Koronainformasjon

Denne sida skal alltid vere oppdatert i forhold til kva retningslinjer som gjeld.

Dette gjeld frå og med 12.02.22

Regjeringa har fjerna alle forskriftsfesta tiltak mot covid-19. Dette gjeld frå og med 12.02.22:

Praktiser god hand- og hostehygiene.
Følg koronavaksinasjonsprogrammet.
Test deg ved symptom. Skoleelevar er unntatt testing. Det er ikkje lenger nødvendig å teste deg dersom du ikkje har symptom, sjølv om du har nærkontaktar som er smitta.
Hald deg heime ved nyoppståtte luftvegssymptom og dersom du føler deg sjuk. Du bør bli heime til forma er god, og du har vore feberfri i 24 timar. Milde restsymptom som rennande nase, snørr, hes stemme og noko hoste er greitt.
Ved positiv covid-test bør du halde deg heime i fire dagar frå symptomstart eller frå dagen for positiv test, dersom du ikkje har symptom.
Ta kontakt med legen din dersom du er uroa for eiga helse eller for barnet ditt.

Testing kan ein gjere med PCR-test ved ein teststasjon, eller sjølvtest (hurtigtest) heime. Testane skal vere merka for å vere godkjend.

Du kan bestille PCR-test her: https://alesund.kommune.no/helse-og-omsorg/korona/testing-for-koronavirus/
Hurtigtest blir levert ut ved alle innbyggartorg og på bilbioteka i Ålesund, Moa og Brattvåg.
Dersom hurtigtesten er positiv, send e-post til positiv-hurtigtest@alesund.kommune.no. E-posten må innehalde namn og telefonnummer. Smittesporingsteamet tar kontakt med deg.