Helse- og oppvekstfag

Ønsker du å utdanne deg til ein sikker jobb? Ville det passe for deg å bli ambulandearbeider, helsefagarbeidar, aktivitør, portør eller barne- og ungdomsarbeidar? Eller er det meir aktuelt for deg å jobbe som apotekteknikar, tannhelsesekretær eller hudpleiar? Då kan helse- og oppvekstfag gi deg ei rekke med moglegheiter.

Du lærer

• om helsefremjande arbeid
• om fysisk og psykisk helse
• om korleis kroppen er bygd opp
• om kommunikasjon og samhandling
• om utviklinga til barn og unge
• om kost, ernæring og hygiene

Du bør vere

• omsorgsfull og omsynsfull overfor menneske
• flink til å kommunisere
• god til å samhandle med andre

Du kan bli

• helsefagarbeidar, ambulansearbeidar eller portør
• aktivitør eller eller barne- og ungdomsarbeidar
• apotekteknikar, helsesekretær eller tannhelsesekretær
• hudpleiar, fotterapeut eller ortopediteknikar

Sjå alle yrke og kompetansar

Arbeidsstader

• sjukehus eller heimeteneste
• barnehagar eller skolefritidsordningar
• apotek, tannlege- eller legekontor
• fot- eller hudpleiesalongar

Utdanningsløp vi tilbyr på Ålesund vgs etter vg1:

Vg2 Ambulansefag

Vg1 HO og Vg2 Ambulansefag + 2 år som lærling, kvalifiserer til fagbrev i ambulansefag.  Gjennom opplæringsløpet får du praksis ved eit sjukehus eller ein ambulansestasjon i distriktet.

Ambulansefaget er eit fysisk yrke og inneber at du samtidig må trene for å oppnå fysisk styrke.  (Sjå vedlegg fra Helse Midt Norge om fysiske krav for lærlingar i ambulansefaget, vikarar og faste tilsatte i ambulansetenesta i Midt-Noreg.) 

Vg2 Barne- og ungdomsarbeidarfag

Vg1 HO og Vg2 Barne- og ungdomsarbeiderfag + 2 år som lærling, kvalifiserer til fagbrev i barne- og ungdomsarbeidar. Opplæringa blir retta mot arbeid i ulike pedagogiske verksemder og mot område der barn og unge ferdast i kvardagen.  Opplæringa er praksisnær, tverrfagleg, gir heilskapleg kompetanse og legg grunnlaget for arbeid i m.a. barnehagar, skolar, skolefritidsordningar og fritidsklubbar.  

Vg2 Helsearbeidarfag

Vg1 HO og Vg2 Helsearbeiderfag + 2 år som lærling, kvalifiserer til fagbrev som helsefagarbeidar.  Ein god helsefagarbeidar har kunnskap, gode haldningar og ferdigheiter til å møte ulike brukarar i helse- og omsorgstenesta. Helsefagarbeidaren utfører grunnleggande sjukepleie og bidrar i folkehelsearbeid, rehabilitering og forebygging av sjukdom. 

Helsefagarbeidaren skal kunne vurdere behov for ulike hjelpemiddel og velferdsteknologi som bidrar til meistring og sjølvstende i kvardagen.  Opplæringa er praksisnær, tverrfagleg, gir heilskapleg kompetanse og legg grunnlag for arbeid i m.a. omsorgssenter, heimebasert omsorg, bustader for psykisk helse, aktivitetssenter/dagsenter og institusjonar for eldre.

Ålesund vgs samarbeidar tett med NTNU Ålesund og er ein del av Campus.

Vidare utdanning

Yrkesfagleg opplæring fører fram til yrkeskompetanse (med eller utan fag- eller sveinebrev). Etter fullført yrkesfagleg opplæring kan du gå ut i arbeid eller ta vidare utdanning:

• Du kan ta vidare utdanning på fagskole. Ei fagskoleutdanning er ei kort og yrkesretta vidareutdanning som er berekna på dei som har gått yrkesfag.
• Du kan ta Vg3 påbygging til generell studiekompetanse- etter Vg2 eller- etter oppnådd yrkeskompetanse. Då har du moglegheit til å ta høgare utdanning ved høgskole eller universitet. Hugs at nokre studium, f.eks. ingeniør-, realfags- og medisinske studium, føreset at du har visse realfag.
• Du kan også søkje opptak til høgare utdanning etter forkurs eller gjennom Y-vegen, yrkesfagleg veg til høgare utdanning. Y-vegen er berekna på deg som har relevant yrkeskompetanse. Forkurs og Y-vegen er vanlegast innan realfags- og ingeniørstudium.