1 Styringsdokument
Skolens handlingsplan bygger på desse styringsdokumenta
Opplæringslova (den nye gjeldande frå 1.8.24)
Forskrift til opplæringslova
Læreplanverket med Kunnskapsløftet og Overordna del
Fylkesplan 2021-2024
Fylkesstrategi for kompetanse 2024-2027
Fylkesstrategi for kvalitet i vidaregåande opplæring 2023-2027
Organisasjonsstrategien 2020-2032
Oppdragsavtalen 2023-2025
Føremålet med opplæringa
Opplæringslova § 1-1 handlar om føremålet med opplæringa, og er her gjengitt i sin heilskap:
"Opplæringa i skole og lærebedrift skal, i samarbeid og forståing med heimen, opne dører mot verda og framtida og gi elevane og lærlingane historisk og kulturell innsikt og forankring.
Opplæringa skal byggje på grunnleggjande verdiar i kristen og humanistisk arv og tradisjon, slik som respekt for menneskeverdet og naturen, på åndsfridom, nestekjærleik, tilgjeving, likeverd og solidaritet, verdiar som òg kjem til uttrykk i ulike religionar og livssyn og som er forankra i menneskerettane.
Opplæringa skal bidra til å utvide kjennskapen til og forståinga av den nasjonale kulturarven og vår felles internasjonale kulturtradisjon.
Opplæringa skal gi innsikt i kulturelt mangfald og vise respekt for den einskilde si overtyding. Ho skal fremje demokrati, likestilling og vitskapleg tenkjemåte.
Elevane og lærlingane skal utvikle kunnskap, dugleik og holdningar for å kunne meistre liva sine og for å kunne delta i arbeid og fellesskap i samfunnet. Dei skal få utfalde skaparglede, engasjement og utforskartrong.
Elevane og lærlingane skal lære å tenkje kritisk og handle etisk og miljøbevisst. Dei skal ha medansvar og rett til medverknad.
Skolen og lærebedrifta skal møte elevane og lærlingane med tillit, respekt og krav og gi dei utfordringar som fremjar danning og lærelyst. Alle former for diskriminering skal motarbeidast."