Operasjon Dagsverk 29. oktober 2026

Torsdag 29. oktober deltek Ålesund videregående skole i Operasjon Dagsverk. Denne dagen kan elevane arbeide og samle inn pengar til eit prosjekt som støttar ungdom i Sør-Afrika i kampen for trygge og rettferdige skular.

Operasjon Dagsverk er ein årleg solidaritetsaksjon arrangert av, med og for ungdom. Gjennom årets prosjekt får ungdom i Sør-Afrika støtte i arbeidet for trygge skulemiljø og like moglegheiter til utdanning. Mange ungdommar der går på skular med dårlege bygningar og manglar grunnleggjande fasilitetar.

Gjennom Operasjon Dagsverk bidreg norske elevar til å styrkje ungdom sitt arbeid for retten til god utdanning og ei betre framtid.

Les meir om årets prosjekt på Operasjon Dagsverk sine nettsider.

Elevane kan skaffe seg jobb ved å utføre tenester for familie og naboar, eller spør om jobb i butikkar og bedrifter. Rettleiande minstepris for ein arbeidsdag er 450 kr pr elev. 

Arbeidsgivar betaler inn beløpet på betale.od.no ved hjelp av Vipps, kort eller faktura.

Frivillig deltakelse

Det er frivillig å delta på innsamlingsaksjonen. Elevar som ikkje ønskjer å arbeide på OD-dagen, skal møte på skolen på lokalitet Fagerlia. Dei vil då delta på aktivitetar som blir leia av skolen sin OD-komité. Her er program for dagen, oppmøte kl. 10.00 i aulaen.

Program

Kl. 10.00 Oppstart og opprop i aulaen
Kl. 10.05 Musikklinja spelar
Kl. 10.20 Ord frå rektor
Kl. 10.30 Foredrag frå Fellesverket: Gatemekling
Kl. 11.15 Pause og lunsj
Kl. 11.45 Opprop i aulaen
Kl. 12.00 Elevrådet presenterer dei ulike stasjonane
Kl. 12.15 Stasjonar
Kl. 13.30 Opprop i aulaen + avslutning, kåring og framvising
Kl. 14.00 Ferdig for dagen 

Har du jobb til elevane?

Har du som føresett, eller representerer du ei bedrift som kan tilby arbeid til ein elev på OD-dagen? Då kan du registrere jobben gjennom Operasjon Dagsverk si løysing for arbeidsgivarar.

Registrer jobbtilbod her.