Flotte juleavslutningar ved Ålesund vgs
Haustsemesteret 2023 blei avslutta med to store arrangement for elevar og tilsette ved Ålesund vgs, i Fagerlihallen og i Ålesund kyrkje.
Det var fullt hus i Fagerlihallen då Ålesund vgs hadde avslutning for elevar og tilsette ved lokalitetane på Volsdalsberga og Fagerlia onsdag. Musikklinja hadde fleire flotte innslag, Magnus Bruvoll framførte eit pianostykke, juleevangeliet blei lest, og rektor talte. Aldri før har Ålesund vgs samla så mange elevar og tilsette under samme tak. Over 1200 deltok.
Elevar og tilsette ved lokaliteten Latinskolen hadde avslutning i Ålesund kyrkje. Dette er ein tradisjon som går langt tilbake. I rektor si julehelsing kalla han kyrkjerommet for "det finaste klasserommet til skolen." Ekstra flott blei det då elevane ved idrettsfag, tradisjonen tru, i kvite klede og nisseluer, fylte rommet med dans: https://fb.watch/p44HpYHNx7/
Etter avslutninga i kyrkja drog Vg1-elevane ut og dansa på ulike stader i byen:
https://www.aesby.no/nyheter/i/0Q1kgM/dansende-elever-i-sentrum
Dette var siste året der Ålesund vgs hadde avslutning i Ålesund kyrkje, ettersom skolen skal ut av Latinskolebygget til neste skoleår.
Rektor peika i talane sine på kontrastane i livet. På den eine sida det nyfødde barnet og alt det vakre og skjøre ved dette. På den andre sida krigens grusame konsekvensar rundt oss.
Begge dei to arrangementa blei avslutta med "Deilig er jorden", som var skriven som ei protestsalme mot krigens herjingar i Danmark rundt 1850. Både teksten og det nyfødde barnet bringer håp om fred og ei betre jord for alle.
"Det fineste med julen er jo historien om hvordan det svakeste vinner over det sterkeste. I julefortellingen er et nyfødt barn sterkere enn den største krigsmakt." (Ole Paus)