Godt læringsmiljø
Du går i same klasse gjennom tre år. Dette bidreg til eit trygt og godt læringsmiljø, fagleg og sosialt, noko elevundersøkingar over mange år har vist. På vg1 og vg2 er det studieturar og fleire tverrfaglege aktivitetar.
Forskarblikket
På forskarlinja har du ein time ekstra i veka med forskarfag på vg1 og vg2, og dessutan nokre fagdagar gjennom skuleåret. Forskarfaget er utan karakter og vurdering. Her gjennomfører vi eigne forskingsprosjekt og forskingsarbeid saman med NTNU. Slik får du verdifull praksis og innsikt, og ei solid fagleg plattform som du kan byggje vidare på.
På forskarlinja vil du dessutan merke forskarblikket i alle fellesfag. Det gir deg ein unik kompetanse.
Samla gir dette tilbodet eit solid fagleg grunnlag, og du blir godt førebudd på høgare utdanning.
Studiespesialisering Forskarlinja finn du på lokasjon Fagerlia.